Pinakbet

Kanina ay nagluto ako ng pinakbet. Nagustuhan namin misis at ni panganay.


Heto ang sangkap:


1  Sari-saring gulay – kalabasa, talong, okra, ampalaya (may nabibili na naka-bundle na)
1  sibuyas, hiniwa
1 bawang, pinitpit at hiniwa ng maliliit
2 kamatis, hiniwa
1/2 kilong baboy panggisa. Malaki ako mag-slice ng baboy. Depende sa inyo ito.
1 kutsaritang luya, pinitpit
mantika
tubig
1 kutsaritang Barrio Fiesta Ginisang Bagoong (Sauteed Shrimp Paste). Kung wala, patis na lang


Paraan:
1. Maghugas ng kamay.
2. Iprito ang baboy sa mainit na mantika. Habang piniprito lagyan ito ng asin at pamintang durog para maglasa. Hintayin hanggang magkulay brown ito. Ihain pagkatapos.
3.  Sa parehong kawali, igisa ang bawang, sibuyas. Isunod ang kamatis, luya at bagoong.  Igisa ng 5 minuto. Isunod ihalo ang pritong baboy.
4.  Lagyan ng 2 tasang tubig at hayaang kumulo ng 5 minuto.
5. Timplahan ng asin, pamintang durog, at patis ng naaayon sa inyong panlasa.
6. Pakuluan uli ng 5 minuto para lumabas ang mabangong amoy.
7. Ilagay na ang mga sangkap na gulay at hayaan itong maluto pero huwag i-overcook.


Kain na!